Brennsuppe

sitemap
impressum

Bairische Texte

Trinkspruch II

Siehgst as Deandl dadst ma gføin
bist a recht a grouße ...

Schnødern dean de Weiber gern,
bsonders mit de feina Herrn
und die Resi mag den Franz,
weil der hat an groußn ...

Schwarzen Huat mit Federn drauf,
so schaut der Bua recht schneidig aus.
Und er konn aa recht guat schmusen
und packt de Weiber gern am ...

Bevor es vergiß muaß i eich no was sag'n:
Mei Nachbarin de hat an neia Wag'n.
Leit, de solltats amal kenna,
der kannst'n richtig eine ...

Reg'nsburg is a scheene Stadt,
weils de scheenstn Madln hat,
doch scheena is in Beratzhausen,
weil da gibt's grad gnua zum ...

Mauerer und Zimmersleit,
de ham de beste Arbeitszeit:
Wennst von dene mal oan siehgst,
na steht er bloß im Eck und ...

Wienerische Heiterkeit,
ja de gfreit uns jederzeit
und wias lacha und wias grunzen,
da kannst ja fast in d' Hosen ...

Prost ihr Leid, weil gsund des samma
und an gscheidn Durscht den hamma
und etz trink ma no an Tropfen
und dann gemma hoam zum ...

Stoß' ma mit de Glasln zsamm
und weil i etz nimmer weiter kann,
sag i eich bloß no ganz barsch:
Geh, leckt's doch mich am ...

Anfang hab i ja di no goar net g'seg'n !

© Martin Gürtel 2024